Con trasfondo da Festa dos Maios, o Museo Torres de Marín acolle ata este domingo una exposición de 22 coplas de barcos e carros triunfais que Eduardo Otero Molas «gardou entre os recordos que chegaron ata el e conformaron o sentido da vida do Marín que tanto añorou e tratou de preservar». Os textos, cunha antigüidade de 113 anos, reflicten «un tempo de grandes conflitos sociais», ao tempo que teñen o valor de ser as únicas que se conservan do período anterior ao establecemento do concurso de Maios polo Ateneo.
Moitas destas coplas son froito da correspondencia dos irmáns Manuel e Fernando Esperón Landín, que aínda mozos emigran ás Américas e deixan atrás as súas vivencias de rapaces «que cada ano ao chegar o mes de maio afanábanse en saír á rúa co seu barco, castelo ou carro triunfal que nesa época invadiron as nosas vilas contando as andanzas do momento histórico da época, mesturados cos populares maios de sempre».