O Fishing Work Viveiro comezou con bo pe a Liga de 2ª Autonómica e conseguiu aumentar aumentar a xeira de triunfos que iniciaran no Trofeo Delegación a sete vitorias, logo de que o sábado vencesen con absoluta claridade (33-26) ao Balonmán Pontedeume.
Os viveireses saltaron moi concentrados ao parqué do Municipal e rapidamente marcaron distancias cuns eumeses (6-2 no minuto 7) que eran incapaces de superar o bloque defensivo en 6:0 dos locais. Este feito, unido a que os locais non atopaban ningún problema para superar a zaga visitante, derivou en que as diferenzas aumentasen ata os 8 goles (12-4). Un pequeno arreón dos coruñeses parecía que ía darlle emoción ao encontro (14-10), mais un parcial de 6-0 para os da casa encargouse de certificar que só era un espellismo e situaba un abrumador 20-10 no electrónico. Ao tempo de lecer chegouse con 22-15 para os azuis.
No segundo tempo os do Fishing administraron cómodas rendas de 8 e 11 goles (31-20 no 52) e os eumeses só puideron maquillar o resultado nos derradeiros minutos. Polo Fishing Work xogaron e anotaron: Víctor e Rico; Carlos (4), Javi (10), Fran (2), Miguel (2), Oki (5), Villares, Mario (5), Diego (1), Marco, Julio (3) e Mariño (1).