O Balonmán FishingWork Viveiro perdeu o seu primeiro encontro desta tempada, logo de nove partidos invicto. Os pupilos de Juan Fernández caían o pasado sábado na pista do Balonmán Culleredo (25-24) e descendían á quinta praza da Segunda Autonómica Norte.
Os viveirenses fixeron un dos seus peores partidos da campaña. Na primeira parte, o ataque azul foi moi anárquico, mentres que o seu bloque defensivo amosouse excesivamente fráxil. Só a boa actuación do porteiro Rico mantivo aos mariñaos no partido. No segundo tempo, mellorou en defensa e logrou entrar nos últimos dez minutos con empateo, pero o conxunto local estivo máis acertado no tramo final.
O Fishing Work Viveiro tentará volver mañá (Municipal, 18.15 horas) á senda das vitorias coa visita do colista Ferrolterra, que aínda non sumou.