O Rasoeiro busca o seu segundo trunfo na pista do Poio Artai, e o Agnus Dei recibe o Camariñas

O Rasoeiro deixa hoxe o Grove para buscar a súa segunda victoria consecutiva na fase de permanencia na Primeira División Autonómica de balonmán. O seu obxectivo, dobregar a domicilio a un ED Poio Artai que na xornada inaugural perdía a semana pasada 24-18 co Atlético Novás B. O encontro entre Poio e Rasoeiro comeza ás 18.30 horas.

Pola súa banda, o Agnus Dei fixou o seu partido da segunda xornada para mañá pola mañá, a partir das doce no pavillón de Coirón. Alí se medirá a un Camariñas co que comparte o feito de ter pinchado no inicio da carreira pola permanencia na Primeira Autonómica.

Agnus Dei e Camariñas víranse xa as caras na primera fase da Liga, con abultados triunfos locais. O principal problema para o cadro meañés é hoxe o posto de pivote. Rafa Torres, por asuntos laborais, é baixa, e Antonio dúbida. Ademais, Lores non xogará por sanción, e Touza chega cunha man tocada.

---

---

---