O Albariño Agnusdei desprázase esta tarde á cancha do Chapela B, nun asequible compromiso ante o penúltimo clasificado da Segunda Autonómica de balonmán.
O conxunto adestrado por Pedro Pérez aspira a explotar os seus dous derradeiros encontros da primeira volta ligueira para recuperar o liderato da clasificación. Un reto que no día de hoxe acomete coas moi probables baixas de Rubén e de Pepe na primeira liña.
O cadro meañés contará no seu lugar coas súas dúas últimas incorporacións. Borja Barco e Javi Luengo. Este último, fichado esta mesma semana. Natural de Plasencia, onde militou na Primeira Nacional, Luengo atópase en Galicia por cuestión laborais.
Rasoeiro
Polo que respecta ao Rasoeiro, o equipo de Primeira Autonómica masculina descansa esta fin de semana, mentres que o de Primeira Autonómica feminina visita a SAR de Redondela hoxe (20.30 horas).