Mañá o Balonmán Portadeza Lalín viaxará ata a cancha do Balonmano Arroyo a desputar o seu sétimo encontro de Liga. O rival do equipo dezano, con Rafa González Mejías á fronte, chega ao choque logo de encamiñar os seus dous únicos trunfos na Liga. Como explicou González, «ahora estamos cogiendo el ritmo después de un comienzo de Liga algo flojo». Logo de perder os catro primeiros partidos da tempada, as vitorias dos vallisoletanos chegaron nos encontros ante o Carballal na quinta xornada (25-29), e no Ademar León a pasada fin de semana por (33-17).
O Arroyo 2007/2008 mantén a grandes trazos o bloque de xogadores da tempada pasada, se ben «hemos recuperado a algunos jugadores veteranos y también ha llegado alguna gente joven», dixo Rafa González. Precisamente conseguir acoplar as novas incorporacións e formar un equipo homoxéneo, «es lo que nos ha llevado tiempo», dixo o adestrador, que mañá agarda dispoñer de practicamente todos os seus efectivos, a excepción dun dos pivotes do plantel, que arrastra unha lesión.
Dificultade
González entende que o Portadeza é un «equipo muy difícil, con una plantilla sólida y bien armada», se ben lembra que «tenemos opciones los dos equipos, y sin duda es un partido muy interesante», avanzou. Para poder asinar os puntos en xogo e subir ao seu casilleiro o terceiro trunfo consecutivo, González considera que o seu equipo debe procurar «estar muy seguros en defensa para poder salir con tranquilidad. Nuestra referencia es el juego en bloque y mucho trabajo en defensa», concretou o técnico.
Obxectivo
As metas que o Balonmán Arroyo se marcou para esta tempada veñen marcadas pola categoría, «somos un equipo joven en esta categoría y lo que queremos es consolidarnos en ella», apuntou Rafa, que explicou que «intentamos mantener la línea del año pasado e ir mejorando, el objetivo es no tener problemas y asentar el club». Respecto do actual campionato, González entende que «es una categoría muy pareja en la que va a ganar el equipo que menos errores cometa fuera de su casa, porque está costando mucho sacar puntos fuera de casa».