Cada un dos alumnos será obxecto dunha atención que converta á educación no principal instrumento que axude a superar barreiras... (LOMCE, preámbulo).
Pero cando un deses alumnos e alumnas precisan desa atención na escola, cando necesitan un apoio que os nivele con todos os demais, porque non todos temos a mesma maneira de avanzar pero si que temos o mesmo dereito a chegar ao mesmo destino, entón a administración educativa di que non, que non hai plan PROA, que non hai medios, que non hai profesores, que non hai apoio.
E cando non se nos facilitan os medios é irremediable que alguén quede fóra, e entón é o momento de se preguntar: ¿A quen apartamos, quen é o que sobra, a quen deixamos a un lado?; pois ben, as familias pensamos que hai que apartar a quen nega os dereitos e recorta as oportunidades, hai que apartar a quen quere quitarlle a un neno a posibilidade de ser igual aos demais, temos que apartar a quen lle rouba o dereito a ter un futuro.
E todos sabemos de quen falamos.
* Fernando Lacaci é Voceiro da Confederación de ANPA Galegas