Inclúe a estrea da primeira obra dun novo grupo teatral de Lugo, Satori
04 abr 2024 . Actualizado a las 12:20 h.A programación cultural no Escenario Hipócrita de Lugo ciudad continuará este trimestre con funcións o segundo e cuarto sábado de cada mes. Trátase dunha programación variada que abrangue diferentes xéneros e estilos dentro das artes escénicas, dende o teatro físico á improvisación.
Abrirá a programación trimestral o grupo compostelán Improversados, o 13 de abril, co seu espectáculo de impro musical «Épica Vulgaris».
O día 27 de abril, Lohengrín Teatro porá en escena «Terra», un espectáculo de teatro danza cargado de simbolismo.
No mes de maio, o Escenario Hipócrita acollerá a preestrea da primeira peza dunha nova compañía lucense Satori, titulada «Masculino singular», unha traxicomedia musical interpretada por Gustavo Fouce e dirixida por Sonia Fernández, o sábado 11 de maio.
«Lear en las catedrales», un drama baseado no poema de José Hierro, que porá en escena a compañía cántabra Ábrego, será a segunda función de maio, o sábado 25.
Pechará a programación o espectáculo unipersoal «La extranjera» de Stephanie Cubides, docente e actriz colombiana, o día 8 de xuño. É unha peza de teatro físico que narra o eterno conflito entre a permanencia e a partida.