11 sep 2012 . Actualizado a las 07:00 h.
Hoxe cúmprense dez anos da desaparición de Roberto Vidal Bolaño, falecido no 2002 en Santiago de Compostela e a quen, no vindeiro ano 2013, a Real Academia Galega adicará o Día das Letras Galegas.
Autor, director, actor de teatro, cine e televisión, Vidal Bolaño foi quen primeiro deu o paso para profesionalizar o teatro en Galicia.
Entre as súas obras máis destacadas figuran textos como Doentes, Rastros ou Días sen gloria, que será producida o vindeiro ano polo CDG.
Antes de que comece oficialmente o ano cultural dedicado a Vidal Bolaño, haberá unha homenaxe o vindeiro 27 de outubro no Salón Teatro de Santiago, o mesmo lugar no que se velou o seu corpo hai agora dez anos. Na homenaxe participarán xentes de todos os sectores culturais.