Estes primeiros álbums son «Chocolata», de Marisa Núñez & Helga Bansch, «Cocorico», das mesmas autoras, e «A princesa que bocexaba a todas horas», de Carmen Gil & Elena Odriozola
23 may 2011 . Actualizado a las 06:00 h.Tras chegar a un acordo coa editorial polaca Tako, a galega OQO iniciará a súa presencia no mercado polaco coa publicación de tres dos seus libros máis coñecidos.
Estes tres primeiros álbums de OQO son Chocolata, de Marisa Núñez & Helga Bansch, Cocorico, das mesmas autoras, e A princesa que bocexaba a todas horas, de Carmen Gil & Elena Odriozola, que desde agora poderán ser lidos polos nenos polacos na súa lingua materna grazas á colaboración da editorial galega con Tako.
A editorial polaca porá en circulación un selo no que se irán publicando os libros da editora galega.
Grazas a esta colaboración, OQO participará a través deste novo selo na xira literaria que se celebrará o vindeiro domingo en Varsovia. Este acontecemento é un proxecto educativo multidisciplinar organizado para os nenos e os seus pais, co obxectivo de promover o hábito da lectura entre os polacos máis novos. No mesmo evento colabora tamén o Instituto Cervantes, dado que España é o país que este ano protagoniza a devandita xira.