O PSOE de Foz presentou a lista «renovada» para o 26-M que lidera Fran Cajoto

O candidato do PSOE á alcaldía de Foz, Francisco Cajoto, presentou este domingo a «candidatura renovada para ofrecerlle aos veciños un futuro mellor, coa que os socialistas aspirarán a recuperar o goberno local nas eleccións do vindeiro 26 de maio. O secretario xeral do PSOE na provincia, Álvaro Santos, ou o presidente da Deputación, Darío Campos, acompañaron a Cajoto no acto celebrado na Casa da Cultura. Completan os primeiros postos da lista: Héctor Moris Fernández, Acela Verónica Peña Castiñeira, Ana Matea Rojo Eijo, José María Linares Rodríguez, Inés López Couto, Carlos García Rodríguez ou María Milagros Louzán García.