O Arousana destitúe a Moncho Roldeiro e busca novo adestrador

A directiva do Atlético Arousana comunicaba onte a súa decisión de destituír o rianxeiro Moncho Roldeiro coma adestrador do seu primeiro equipo. «Os resultados e a dinámica dos últimos partidos fixo que se tivera que tomar esta decisión», argumentan os responsables do club vilagarcián, penúltimo clasificado no subgrupo 1A da Primera Nacional do fútbol feminino.

O Arousana agradeceulle a Roldeiro o seu traballo e compromiso co equipo. O seu segundo, Nando González, dirixiráo á espera de substituto.