Antón Paz e Ero Pons colaboran nun programa piloto para os Xogos 2024

O Plan Nacional de Tecnificación Deportiva da Real Federación Española de Vela que dirixe o vilagarcián Carlos Paz botou rodar no último trimestre do 2020 un programa piloto na clase 49er dirixido a potenciar a evolución daquelas parellas de novos regatistas españois que máis estiveron a despuntar nos seus últimos anos nas clases preolímpicas de formación coa vista xa nos Xogos Olímpicos de París 2024.

Sobre esta premisa, Carlos Paz e o seu equipo seleccionou media ducia de parellas, entre elas a formada polos galegos Martin Wizner e Pablo García, para traballar durante os catro últimos meses no Centro de Alto Rendemento de Santander baixo as ordes do adestrador malagueño Carlos Llamas e cun equipo técnico no que figuraban tamén os vilagarciáns Ero Pons e o último campión olímpico na clase Tornado, Antón Paz. Os bos resultado obtidos da experiencia fan que se estea a barallar trasladar o formato a outras clase olímpicas, sinalan desde a RFEV.