O BNG de Meis pide o arranxo do CRA de San Salvador para evitar humidades
Meis
«Atopámonos con problemas que poden chegar a converterse en estruturais de non proceder a arranxos inmediatos no exterior do edificio», sinalan os nacionalistas
18 Mar 2025. Actualizado a las 13:39 h.
O BNG de Meis vén de presentar un rogo á alcaldía solicitando o acondicionamento externo da sede do Centro Rural Agrupado (CRA) de San Salvador de Meis «nomeadamente agora que estamos en período de matriculacións».
«Atopámonos con problemas que poden chegar a converterse en estruturais de non proceder a arranxos inmediatos no exterior do edificio», engaden os nacionalistas aludindo ao mal estado do tellado, da fachada e da condución de augas pluviais, cos conseguintes problemas de humidade que provoca.