A Deputación entrega oitenta mil euros a oito comunidades de auga de Arousa
Ribadumia
As axudas do plan +Aqua están vencelladas a proxectos concretos en Vilagarcía, Ribadumia, Meis e Valga
15 Oct 2024. Actualizado a las 12:51 h.
Xuntas suman 76.637 euros, que se distribúen entre oito comunidades de auga distintas, radicadas no territorio de Arousa. Trátase das axudas incorporadas ao plan +Aqua para o entorno do Salnés, que onte foron entregadas aos responsables das entidades arousás polo presidente da Deputación de Pontevedra, o popular Luis López.
As achegas, que fican en mans de comunidades de Vilagarcía, Ribadumia, Meis e Valga, servirán para desenvolver proxectos relacionados coa mellora das infraestruturas e instalacións de auga comunitaria; a implantación de sistemas de dixitalización e eficiencia enerxética para a mellora da calidade da auga; a modernización dos sistemas de tratamento; a legalización de novas concesións ou renovación das xa existentes; ou a mellora das captacións e os sistemas de almacenamento.
Os proxectos
- Vilagarcía. Comunidade de usuarios de augas de Lobeira. Instalación de sistemas de potabilización. 10.000 euros
- Ribadumia. Comunidade de usuarios de auga A Revolta. Renovación e mellora da traída/captación de auga comunitaria. 10.000 euros
- Ribadumia. Asociación comunidade de usuarios de augas Outeiro, Coruto e Rabadeiro. Renovación e mellora da traída/captación de auga comunitaria. 9.982,50 euros
- Ribadumia. Comunidade de usuarios de Casal-Barrantes. Mellora nos depósitos, instalación de contadores e proxecto innovación. 8.078,87 euros
- Meis. Comunidade de usuarios de San Martiño. Mellora e reparación da instalación de traída de auga comunitaria. 9.861,50 euros
- Meis. Comunidade de augas A Pioca. Mellora e reparación da instalación da traída de augas comunitaria. 9.943,78 euros
- Meis. Comunidade de usuarios O Busto. Obras de mellora no manancial e tubaxe de condución. 9.816,79 euros.
- Valga. Comunidade de usuarios de auga de Martores. Renovación de parte dos depósitos de almacenamento de auga. 8.954 euros.