A lapa de Castelao alumea en Rianxo

Os actos promovidos polo Concello de Rianxo para lembrar a Castelao no mes no que se conmemora o aniversario do seu nacemento e do seu falecemento concluíron este sábado cunha ofrenda floral no paseo da Ribeira. Falaron o rexedor local, Julián Alcalde, que chamou a reivindicar, difundir e profundar no coñecemento da obra do escritor; e o presidente da Fundación Castelao, Miguel Anxo Seixas, que destacou algúns aspectos da traxectoria do homenaxeado. A agrupación de gaitas local Río de Anxo encargou de poñer a nota musical á xornada. foto dani gestoso