O Nosa Señora de Xuvencos, clasificado no «Ecopreguntoiro»

O CEIP Nosa Señora de Xuvencos, do Concello de Boborás, en Ourense, foi o último dos dezaseis colexios participantes en clasificarse para a segunda volta do Ecopreguntoiro. O equipo formado por André Valencia Rodríguez, Xoel Rodríguez Otero, Gabriel Rodríguez Des, Ramón González Maceda e Martiño González Sampaio venceron ao CEIP Otero Novas, de Ortegada. Co ourensán, xa só quedan oito centros que pelexarán por levarse o título de campións nesta edición do Ecopreguntoiro de Ecovoz.