«Que compaxine o cargo co de mestre non implica que desatenda aos veciños»

Naceu en Narón en 1974, pero séntese pontecesán de adopción. Entrou na política activa da man do PSOE hai cinco anos, aínda que como afiliado leva máis anos «grazas a Zapatero e as súas políticas progresistas». É rexedor de Ponteceso dende o 2015 grazas ao apoio do BNG e de APIN-SON.

?¿Que balance fai destes doce meses?

?Moi positivo, porque logramos cortar a hemorraxia que existía no Concello co dispendio.

?Goberno e oposición difiren dos números vermellos do Concello.

?Cando nós chagamos á alcaldía había unha débeda global de 5,5 millóns de euros. Porque o PP non conta como pasivo o remanente negativo de tesourería e os 2,2 millóns en facturas sen pagar e sen partida orzamentaria gardadas no caixón. E iso tamén é débeda.

?¿É un marrón ser alcalde con tan pequeno marxe de manobra?

?Non, para nada. Para min e os meus compañeiros de goberno é un orgullo poder representar aos veciños. A situación económica é a que é, pero temos que reverter esa situación e niso estamos.

?¿Adoptaron medidas para tratar de frear esa sangría orzamentaria da que sempre falan?

?Voulle poñer un exemplo. Logramos aforrar 2.500 euros en facturas telefónicas. É un xesto sinxelo, pero significativo, de que algo cambiou neste último ano. Pero o máis importante é que todas as obras fanse con todos os requisitos legais e coa partida orzamentaria correspondente. Ademais, mediante procedemento aberto para que as empresas, todas as empresas, que o desexen poidan presentar as ofertas e iso reflíctese nunha redución dos prezos de licitación. Todo con total transparencia. No que levamos de mandato, e mediante os correspondentes extraxudiciais de crédito, pagamos medio millón de euros en facturas atrasadas. Ese é o camiño e a nosa prioridade de aquí ata o final de mandato.

?¿Como marcha a súa relación cos traballadores municipais?

?Eu son moi respectuoso. Creo na función pública. De feito, eu son funcionario e orgulloso de selo. Pero ao meu entender, en Ponteceso estábase nunha dinámica de rutina e había que darlle un xiro na forma de traballar. E claro, os cambios non son sempre ben recibidos, pero do que se trata é de ofrecer un servizo de calidade aos veciños, involucrándonos todos máis con eles, empezando por los integrantes do goberno.

?Pero vostede compaxina o seu cargo co de profesor.

?Estou encantado de poder levar o Concello sen que lle custe un só euro aos veciños. A clave está en saber delegar. Teño un excelente grupo de traballo cunhas funcións ben definidas. Pero mire, cando saio de dar clase atendo aos veciños. Non é certo que porque sexa mestre o Concello está abandonado. Ao revés, nunca estivo tan ben atendido como ata o de agora. Hai rexedores que non viven nos concellos nos que traballan e non pasa nada. Eu, ademais do meu traballo, dedico moitas horas a atender aos veciños e as súas necesidade. De feito, moitas tardes estou no Concello atendendo aos que así o requiren. Pero tamén están os meus compañeiros de goberno. Non hai día que José Manuel Pose [edil de Obras] non vai a ata Corme para revisar o sistema de bombeo da depuradora de Corme. Carlos Penedo fai o mesmo coa Ponte da Garga. E así todos.

?¿Ademais de reducir a débeda, ¿cales son as súas prioridades nos vindeiros tres anos?

?Seguir facendo as obras e investimentos con plans concertados coa Deputación e a Xunta, facer moita rúa e moitas xuntanzas cos veciños, fomentar e impulsar o asociacionismo e deixar claro aos veciños que ante todo buscamos a transparencia na nosa xestión, con erros e con acertos.