Bo papel de Fernando Padín en Portugal

A promesa do Cambados T.M. Fernando Padín asinou a pasada fin de semana un notable papel coas seleccións galegas Sub 21 e Absoluta no Torneo Internacional de Povoa de Varzim, Portugal.

O sábado, na categoría Sub 21, Padín pasou sen problemas a fase individual de grupos chegando aos cuartos de final, onde caeu 3-1 co luso Paulo Silva nun duelo moi axustado, e proclamándose subcampión por equipos. O domingo, no cadro absoluto, o cambadés caeu nos dezaseisavos de final co chinés Li Xin 3-1, deixando fuxir varias bolas para forzar o quinto set.