O Regueifa Tour chega este venres a Vila de Cruces

Hoxe • É Bergantiños berce da regueifa, un lugar por tanto dende o que celebrar iniciativas como a que hoxe, venres, chegará a Vila de Cruces. Trátase do festival de regueifa adolescente Regueifa Tour, que botou a andar en outubro en Redondela e xira por diferentes vilas e cidades galegas. Desta volta, o espazo de celebración será o auditorio Xosé Casal, ás 18.30, cun espectáculo que contén dende música e regueifa tradicional atá improvisación sobre bases electrónicas, audiovisual, xogos de humor ou temas vinculados a movementos sociais. Este Regueifa Tour reunirá en Vila de Cruces a regueifeiras locais do instituto Marco do Camballón —habitual nos Premios Galegas da Regueifa promovidos por La Voz en Carballo— con regueifeiras de Santiago de Compostela e O Courel. Presentarán dúas repentistas, Nuria Penas e Lorena Medela.