Marián Ferreiro anuncia en Santa Icía a reforma para a praza da Constitución

Para o vindeiro mandato, a candidata de Terra Galega avanzou que se farán reformas na praza da Constitución. O anuncio foi realizado onte por Marián Ferreiro en Santa Icía, durante un acto electoral.

Ferreiro estivo acompañada por Guillermo Sánchez Fojo, José Oreona e Marta Novo. Ante os veciños indicou que esa praza do barrio «seráobxecto dunha importante remodelación, cun deseño acorde aos cambios que nos últimos meses está experimentando a zona co avance das obras de humanización».

Sobre esta actuación, a candidata de TeGa recalcou que se convertirá «nun referente non só na cidade de Narón senón en Galicia, sobre a implantación dun modelo que permitirá dar un gran cambio a unha avenida, a da Solaina, na que os peatóns terán prioridade, con beirarrúas máis anchas e máis accesibles».