Xermolos organiza un novo roteiro por lugares vencellados con Díaz Castro

Guitiriz

Xosé María Palacios Vilalba

A Asociación Cultural Xermolos organiza un novo roteiro por lugares de Guitiriz vencellados co poeta Xosé María Díaz Castro. O colectivo promove o venres un percorrido que comeza no adro da igrexa parroquial do Buriz e remata no barrio do Vilariño (Os Vilares), xunto á casa natal do poeta. Raúl Río, veciño dos Vilares, e Alfonso Blanco, coordinador de Xermolos, actuarán de guías e farán explicacións durante o percorrido.

Dos Vilares ao Buriz discorre un roteiro que foi sinalizado. Ambas as dúas parroquias teñen relación co poeta, pois na primeira naceu e pasou a nenez e a mocidade e na segunda asistiu a varias escolas antes de entrar no Seminario de Mondoñedo.

A casa natal é hoxe propiedade de Xermolos, que nos últimos tempos está a procurar axudas para restaurala e dedicala a usos socioculturais.