Celebración do magosto e recoñecemento veciñal en Parada de Sil

Por toda a provincia de Ourense se están celebrando as convocatorias da festa dos magostos. Unha celebración que este ano se prolonga durante tres días, ao coincidir a data propia da cita tradicional -o 11 de novembro- en luns. En Sacardebois, no municipio de Parada de Sil, a xornada foi de festa por partida dobre. Corenta e cinco anos levan organizando o magosto e máis de trescentas persoas se xuntaron para conmemorar a data. Vinte quilos de chourizos, castañas e viño animaron aos participantes, que tamén se fartaron de bailar. 

A convocatoria serviu tamén para ter un recoñecemento para dous veciños do pobo de Sacardebois. Francisco Javier Sánchez González e Manuel González Diéguez foron os responsables de que se celebrase aquel primeiro magosto e o alcalde de Parada de Sil, Aquilino Domínguez, e a presidenta da asociación de veciños, Yolanda García, foron os encargados de entregar os agasallos conmerativos aos homenaxeados. Na celebración tamén estivo presente o concelleiro de Cultura do Concello de Parada de Sil, Francisco Magide.