Afundación dona en Pontevedra tonelada e media de produtos recollidos no programa Cultura por alimentos
Pontevedra
María Teresa Cores, coordinadora de Cultura de Afundación, destacou a «extraordinaria resposta do público»
15 Dec 2022. Actualizado a las 09:51 h.
Este martes, a sede de Afundación de Pontevedra acolleu a entrega ao Banco de Alimentos de tonelada e media de produtos non perecedoiros procedentes da solidariedade das persoas que, ao longo destes meses, participaron nas distas actividades programadas pola obra social de Abanca no marco do programa Cultura por alimentos.
María Teresa Cores, coordinadora de Cultura de Afundación, destacou o compromiso da obra social e a «extraordinaria resposta do público» cara esta iniciativa. Pola súa banda, Iván Martínez, presidente da Fundación Provincial do Banco de Alimentos, incidiu na importancia destas propostas que permiten visibilizar a necesidade da implicación social das institucións e das persoas, ao tempo que animou a entender a arte e a cultura como mecanismos de transformación social.