Segunda edición do Mercadillo de Nadal no pavillón da Lama

A segunda edición do Mercadillo Artesanal de Nadal que organiza a ANPA Cal do Vergazo en colaboración co Concello da Lama desenvolverase, en horario ininterrompido de 11 a 20 horas, no pavillón municipal de deportes. Un total de 51 artesáns estarán presentes nesta cita que estará amenizada polo grupo Nós tamén imos, da Insua (Ponte Caldelas).