Xosé Manuel Penas profunda no nome galego de 171 aves

O ornitólogo, investigador e mestre compostelán Xosé Manuel Penas Patiño abordou en profundidade os nomes galegos das diferentes especies ornitolóxicas. Agora, o primeiro tomo dese traballo acaba de ver a luz, «Quod vulgus vocat. Contribución á nomenclatura galega das aves», no que se recollen 171 denominacións. As restantes ata 625 incluiranse noutros dous volumes. O traballo — dispoñible tamén na Rede— foi presentado nun acto co secretario xeral da Lingua, Valentín García.