A Casa das Crechas, en Santiago, lembra a Narf no oitavo cabodano

Xornada moi musical en Santiago. Esta noite a Casa das Crechas acollerá o acto de lembranza Encontrarte, Narf, con motivo do oitavo aniversario do falecemento do artista. «Reunirémonos para lembrar as túas cancións, a túa pegada e o vivo que estás entre nós», apuntan.

Non é a única cita da xornada. O cuarteto musical Los Tiki Phantoms (20.30 horas, Riquela, desde 15 euros) traen o seu surf rock desenfreado nunha nova cita do Outono Códax.

Por outra banda, o Auditorio de Galicia acollerá un novo concerto do Ciclo de Lied (20.30 horas, 12 euros). Contará coa actuación da soprano Simona Saturová e do pianista Ivan Klánský.