O CDG abre ano coa coprodución luso-galega «Frágua de amor» este venres no Salón Teatro

Venres 10 • 20 horas • Salón Teatro • Desde 10 euros •

A montaxe «Frágua de amor», o clásico da literatura portuguesa escrito polo dramaturgo Gil Vicente, abrirá a programación do 2025 no Salón Teatro este venres. Trátase dunha coprodución do Centro Dramático Galego xunto a seis estruturas culturais lusas: Escola da Noite-Grupo de Teatro de Coímbra, O Bando de Surunyo, Artway, Cendrev-Teatro García de Resende, Teatro Académico de Gil Vicente e Teatro Nacional São Paulo. A representación forma parte do ciclo de teatro en lingua portuguesa Quintas do Camões.

A peza, dirixida por António Augusto Barros, conta coa música en directo de O Bando de Surunyo, especializado na interpretación de obras dos séculos XVI e XVII, con seis voces, laúde, viola de gamba, fratua e percusión. Sobre o escenario para representará este texto escrito en 1524 para celebrar o casamento de João III con Catarina de Habsburgo estará un elenco conformado por nove intérpretes. As entradas pódense adquirir a través de Ataquilla e o venres no Salón Teatro.