O CDG e ASTA Teatro achegan o legado de Rosalía en Santiago

Hoxe (20.30 horas), mañá (18 horas) e luns (20.30 horas) • Salón Teatro • Desde 10 euros • O Centro Dramático Galego (CDG) e o colectivo portugués ASTA Teatro recalan en Santiago para ofrecer tres funcións da súa coprodución «Rosalía, cartografía de ásperas ortigas» baixo a dirección escénica e a dramaturxia do compostelán Roberto Salgueiro. A peza que achega o legado de Rosalía contará cun elenco galego-portugués formado por Antía Cortegoso, Sérgio Novo, Alberto Medeiros e Marta Casais.