Os moteiros de Martelos Costa Norte celebrarán o 7 de decembro un xantar de homenaxe ás mulleres
VIVEIRO
Terá lugar na Cervexería Vikinga Punto Galego, de Cantarrana, e xa está aberto o prazo de inscrición
15 nov 2024 . Actualizado a las 11:34 h.A asociación moteira Martelos Costa Norte celebrará o 7 de decembro un xantar de agradecemento e homenaxe ás mulleres que colaboran co club. «É o noso deber recoñer o labor que fan as mulleres dos membros do club e achegadas que nos están axudando para que todo saia adiante, achegando ademais da súa innegable colaboración ideas novas para seguir avanzando», sinalan desde o colectivo, que abre a cita a calquera persoa que lle queira agradecer «á súa muller, parella, compañeira... o esforzo ou dedicación». O xantar terá lugar na Cervexería Vikinga Punto Galego, situada en Cantarrana, en Viveiro, ás 14.30 horas. O prezo do menú será de 25 euros por persoa. Os participantes que sexan moteiros participarán previamente nunha pequena ruta. O prazo de inscrición xa está aberto no Punto Galego, no Temple Bar e en La Fragua. O aforo é limitado.