Gustavo César Veloso: «Nas semanas seguintes ao Día da Bicicleta ves máis rapazada andando en bici por Vilagarcía»

Non hai moitos ciclistas que poidan presumir de ter gañado una etapa de La Vuelta. Non hai moitos que se gañaran o respecto de todo pelotón coma el. Non hai moitos que saltaran da bici ao coche e triunfaran case que dende o primeiro día. Gustavo César Veloso si, e estará no Día da Bicicleta.

—Que tal foi a tempada?

—Podemos facer un balance positivo. Na liña dos últimos anos. Na Volta a Portugal no puidemos ser moi protagonistas porque o percorrido non nos favorecía, pero aínda así destacamos nalgunha etapa. Pero tivemos vitorias nas últimas carreiras e fixemos bos postos no panorama internacional. Hai que ser conscientes de que somos unha equipa pequena. A imaxe que damos é de profesionalidade e de seriedade.

—¿Ten contrato en vigor ou renova ano a ano?

—Vou ano a ano, pero tres anos despois xa teña moita confianza cos meus xefes. Non teño asinado aínda nada e xa estou a traballar para o ano que vén.

—E se aparece algunha oferta?

—Unha oferta dun equipo moi grande claro que me gustaría e xa avisaría, pero a relación é moi boa e sen estar firmado o contrato xa vale ca palabra. O proxecto onde eu entrei hai tres anos é un proxecto que me gusta moito, onde podo traballar ao meu xeito e xa adquires un compromiso con todo o mundo. Eu non busquei ningún equipo porque aposto por este proxecto para ver a onde se pode chegar. Quen me dou a oportunidades foi este equipo, e eu aínda estou a aprender cousas novas de como é a xestión.

—Falemos do Día da Bicicleta. Sempre estivo aí para botar unha man...

—Sempre digo que hai empezar por algún sitio e na experiencia que teño de ter participado podo dicir que nos días seguintes atopas máis nenos andando en bicicleta por VIlagarcía. E esa é a parte máis importante de todo o evento.. O obxectivo é que algúns deses nenos seguen usándoa co paso do tempo. O mellor xeito de fomentar o uso da bicicleta é con iniciativas así.

—E sempre que se achega o Día da Bicicleta falamos da posibilidade de crear unha escola de ciclismo en Vilagarcía.

—Non é fácil. Se queres facer as cousas ben, necesitas xente, patrocinadores, material, monitores remunerados.... non é coller e quedar o domingo para quedar todos xuntos. Claro que me gustaría que houbera unha escala de ciclismo, e claro que botaría unha man, pero eu no podería atendela, porque teño o meu traballo e a miña familia.

---

---

---