Tras a disputa dos cadros benxamín e prebenxamín, o vindeiro sábado xogaráse o alevín feminino
31 dic 2024 . Actualizado a las 19:28 h.O Torneo Indoor Arousa Fútbol 7 abriu a pasada fin de semana en Ribadumia a súa nova edición cos seus dous primeiros cadros de competición. O sábado, cunha ducia de equipos á conquista do trofeo prebenxamín e co SD Cacheiras levándose o gato á auga cun 5-2 sobre o CD Conxo na final. O domingo, con 16 conxuntos en competición no cadro benxamín, o Deportivo foi o gran dominador, impoñéndose 0-4 ao Celta de Vigo nas semifinais e, por idéntico resultado, ao Cios Vigo FS no partido polo título. Este sábado seis equipos disputarán o cadro alevín feminino do Torneo Indoor AF7.