O Vilalonga, pola súa banda, xogará co Polvorín na matinal do domingo
25 feb 2025 . Actualizado a las 22:08 h.Foi practicamente o último dos nove partidos da vixésimo cuarta xornada do grupo galego da Tercera RFEF en ver fixado o seu día e hora, e finalmente, será o que a abra. Tal e como se cría desde o domingo nos despachos e no vestiario da Lomba, o Arousa cursará a súa visita ao líder da Liga, a UD Ourense, este sábado.
Desde as catro e media da tarde, sobre o céspede natural do mellor campo da categoría, O Couto, o conxunto vilagarcián pelexará manter o pleno de vitorias que encadea desde que David López, Perú, asumise a dirección do equipo en substitución do destituído Míchel Alonso. Unha misión que lle permitiría recurtar a 5 puntos a súa desvantaxe co actual inquilino en solitario da única praza con dereito ao ascenso directo á Segunda RFEF ao termo da competición. E para iso, Perú disporá de case a práctica totalidade do seu cadro de xogadores, agás Pacheco e Tafa, este último, o máis seguro baixa para o resto do campionato.
Vilalonga, domingo á mañá
O outro representante arousán na Tercera RFEF, o Vilalonga, será un dos seis equipos que manteñan o seu partido o domingo. No seu caso, visitando ás doce do mediodía o filial do CD Lugo, o Polvorín, na Cheda.