Chapela e Samertolameu gañan a Bandeira Lavanova do Grove, co anfitrión Mecos protagonista
AROUSA
Dous dos barcos do club organizador gañaron cadansúa categorías na regata disputada no porto arousán
16 mar 2025 . Actualizado a las 05:00 h.Os dous prezados panos en xogo na novena edición da Bandeira Lavanova de Bateis acabaron onte nas vitrinas de Chapela, a feminina, e de Samertolameu de Meira, a masculina, tras a suma das puntuacións do cento de embarcacións que na tarde de onte se citaron no porto do Grove para disputar as doce categorías en xogo, seis por sexo.
O club organizador, o CR Mecos, ofreceu as mellores prestacións colectivas dos tres clubs arousáns. As súas tripulacións infantil e xuvenil femininas proclamáronse vencedoras, cos bateis absoluto feminino e os cadete e xuvenil masculinos segundos e co alevín masculino pechando o seu podio. Ademais, o barco absoluto masculino do C.R. Vilaxoán volveu demostrar o seu dominio esta temporada.
Estes foron os gañadores no resto das categorías onte no Grove. Polo que respecta ás femininas: Bueu, en alevín, Vila de Cangas, en cadete, e Chapela en sub-23 e absoluta. E nas masculinas: Robaleira, en alevín, Vila de Cangas, en infantil, Samertolameu, en cadete e sub-23, e Chapela, en xuvenil.