O conxunto madrileño impúxose 0-1 o Real Betis
22 abr 2025 . Actualizado a las 05:00 h.Cuarta edición da Ramiro Carregal Soccer Cup Sub-16 e cuarto campión diferente. A primeira hora da tarde do pasado domingo, o Leganés sucedía o Real Valladolid, ao Celta de Vigo e ao Vitoria de Guimarães no palmarés do torneo que organiza o club San Martín coa colaboración da axencia Clae Viajes. Un tanto de Adrián Blanco no minuto 27 de partido desnivelou a gran final fronte ao Real Betis, outro dos equipos que partiron coma cabeza de serie nos sete grupos de catro aspirantes ao título co que arrincara a cita a primeira hora da mañá do Venres Santo.
O gran nivel do torneo quedou de manifesto nunhas semifinais nas que o Val Miñor lle plantou cara a todo un Real Betis (3-1) e nas que o Sporting de Lisboa quedou fóra do partido polo título polo enorme desempeño do gardamallas Jorge Tamayo na quenda de penaltis á que houbo que chegar no cruce co Betis. As dúas penas máximas que detivo nas semifinais e a blindaxe da súa portería na final valéronlle a Jorge Tamayo a elección de mellor cancerbeiro da IV Ramiro Carregal Soccer Cup Sub-16. Diego Adrián Vidican, do Real Betis, rematou como máximo goleador do torneo e Javier García, do Leganés, foi elixido mellor xogador da edición.
Jorge Soto, responsable do torneo, resaltou onte que «en cuanto a la calidad de los equipos y del fútbol, esta fue muy superior a las ediciones anteriores», resaltando os máis dun milleiro de afeccionados que seguiron a Ramiro Carregal Soccer Cup Sub-16 nos campos municipais de Vilaxoán e Manuel Jiménez. «Es imposible mejorarlo, pero viene el año siguiente, y el torneo vuelve a mejorar», declara Soto. O que si ten claro é que 28 é o número de equipos máximo que pode asumir a súa loxística.