O emblema figurará en todo o material de uso e promocional que empregue o club durante a nova tempada, 2020/21
03 sep 2020 . Actualizado a las 10:19 h.A directiva do Arousa vén de anunciar que durante a nova tempada, 2020/21, o club pasará a lucir un escudo conmemorativo que recorde que o club vilagarcián cumpre os seus 75 primeiros anos de existencia -faráo o vindeiro mes de decembro-.
Dito escudo especial figurará non só nas camisetas dos xogadores dos diferentes equipos da entidade, senón en todos aqueles elementos realizados polo Arousa, desde os carnés de socio ao merchandising.