O IES Carril e o Sagrada Familia compiten hoxe na gran final do Club de Debate

O Club de Debate chega este ano á súa duodécima edición. Trátase dun certame que busca favorecer o uso do galego oral en contextos formais e informais, ademais de promover valores coma o traballo en equipo, o pensamento crítico, a tolerancia e a diversidade de opinións. Pois ben, a súa grande final desenvolvese hoxe no auditorio de Vilagarcía, coa participación de dous centros que xogan na casa: o IES O Carril e o CPR Sagrada Familia.

Os dous terán que competir con outros seis centros de toda Galicia —IES Canido, Colexio Lasalle, IES Canido Filial, CPR Galaxia, IES Luis Seoane e IES Terra de Xallas— coa temática da chegada de persoas procedentes de fóra e a oportunidade que representan ou non para a lingua galega. A xornada arrincar ás nove e cuarto da mañá e rematará ás sete e vinte do serán.

O certame está dirixido a rapaces e rapazas de 3.º e 4.º de ESO, 1.º de bacharelato ou alumnado de ciclos formativos ata un máximo de 18 anos, organizados en equipos mixtos. A súa dinámica consiste nun torneo no que se entaboan debates de dous en dous. Cada un deles ten que preparar e defender as dúas posicións, a favor e en contra, con relación ao tema proposto.

Esta é a primeira vez que a capital arousá participa nun debate que comezou en febreiro, cunha proba repartida entre Ribeira e Narón.

---

---

---