![Diana Varela será a pregoeira da Festa do Percebe.](https://img.lavdg.com/sc/BNPKU4NZu9rCgBMo0ltzw2CtJJo=/480x/2013/04/03/0012_201304C3C12F2jpg/Foto/C3C12F2.jpg)
03 abr 2013 . Actualizado a las 07:00 h.
Se do que se trata é de tirar da palabra para loar algo autóctono que mellor que recorrer a alguén próximo e douto ademais no manexo do idioma. Isto é o que deberon pensar os organizadores da Festa do Percebe de Corme ao pedirlle a Diana Varela Puñal, nacida na localidade aínda que establecida desde os 14 anos na Coruña, que sexa a encargada de pronunciar o pregón inaugural da próxima edición, que se celebrará o 13 de xullo. A autora de poemarios coma Fíos, Animal abismo ou As trovas de Midas e de obras de teatro para nenos como Arlequino Viceversa, premiada pola Fundación Neira Vilas, volverá así de novo á súa vila, pero desta vez, antes de saborear os famosos crustáceos do Roncudo, terá que gabalos como se merecen.