O técnico de cultura de Cabana comezou o pasado venres a guiar as rutas nocturnas no dolmen de Dombate
06 jul 2014 . Actualizado a las 07:00 h.Desde esta semana, o dolmen de Dombate, un dos enclaves turísticos máis destacados da Costa da Morte, tamén se pode visitar de noite. Tódalas noites, a partir das once, o monumento abre as súas portas para realizar unhas rutas moi atractivas. É unha das novidades do convenio que o Concello e a Deputación firmaron a pasada semana, e que inclúe moitas outras actividades. Ademais, estará aberto ao público de martes a domingo de 11 a 14 horas e de 16 a 20 horas. Destas rutas encárgase Ángel Eiroa, técnico de cultura do Concello de Cabana, que como era de agardar superou o cuestionario con boa nota.
-¿Verbena ou foliada?
-Diría que depende, porque me gustan as dúas, pero estou máis acostumado ás verbenas.
-¿En que concello naufragou o barco Serpent?
-Camariñas.
-¿Mar ou río?
-Mar.
-¿Quen foi Bernal Eans de Moscoso?
-Un dos señores do castelo de Vimianzo.
-¿Sendeirismo ou deitarse ao sol?
-Complicado pero... quédome co sendeirismo.
-¿Quen escribiu Queixumes dos pinos?
-Eduardo Pondal.
-Completa a frase: «As nenas de Camariñas...»
-Están no río lavando.
-¿Praia téxtil ou nudista?
-Praia téxtil.
-¿Cal é o punto máis occidental da Costa da Morte?
-Cabo Touriñán.
-¿Churrascada ou sardiñada?
-Churrasco, aínda que non me disgusta unha sardiñada de cando en vez.
-¿Canto tempo hai que non pon unha tixola ao lume?
-Un pouquiño.
-¿Quen pronunciou a frase «As pedras son pedras»?
-O exalcalde de Vimianzo, Alejandro Rodríguez.
-¿Lagostino ou cigala?
-Cigala.
-¿Onde naceu Alfredo Brañas?
-Carballo.
-En que país estivo emigrado Fernando Blanco?
-Cuba.
-¿Que libro está lendo?
-Estou volvendo á miña infancia e estou lendo Harry Potter e o prisioneiro de Azkaban. Os que acaba a miña filla cólloos eu.
-¿Inverno ou verán?
-Gústame máis o verán, aínda que me quedo co inverno porque no verán teño que traballar máis.
-¿Quen inventou o futbolín?
-Alexandre de Fisterra.
-¿Onde prefire rematar o Camiño? ¿En Fisterra ou en Muxía?
-Rematar en Muxía pasando por Fisterra.
verano sin tregua