Abordáronse os proxectos municipais de igualdade
01 mar 2025 . Actualizado a las 05:00 h.No segundo Encontro de Alcaldesas e Concelleiras, organizado pola Fegamp este xoves, participou a mandataria de Narón, Marián Ferreiro. A alcaldesa asistiu a unha mesa sobre riscos e ameazas para as mozas, cos concellos como garantes «dos dereitos para todas».
Ferreiro destacou «a importancia de celebrar este tipo de iniciativas e agradeceu o convite á mesma, para a continuación relatar algunhas das actuacións levadas a cabo dende a administración local naronesa na área a abordar». Alí explicou o III Plan de Igualdade, a entrada en vigor do Punto Violeta, ou as campañas como A Igualdade polos Pelos (sector da perrucaría e estética) e A noite en Igualdade (ocio nocturno).
No ámbito cultural, a rexedora de Narón mencionou tamén a convocatoria, dende hai dez anos, do Festival Internacional do Monólogo Teatral Singular, no Pazo da Cultura, e cunha presenza maioritariamente feminina.