A biblioteca municipal de San Sadurniño, premio á innovación e ao labor de animación

Lendo en San Sadurniño é o nome que emprega a Biblioteca Municipal de San Sadurniño nas redes sociais. O centro vén de ser recoñecido cun dos galardóns da Campaña María Moliner 2024, convocada polo Ministerio de Cultural para recoñecer a innovación e o labor de animación deste tipo de centros de municipios de menos de 50.000 habitantes. Presentáronse unhas 700 candidaturas e a dotación económica é de 2.700 euros.

A bibliotecaria, Anabel Gavín Merlán, agradeceu publicamente aos usuarios, «polo seu entusiasmo, dedicación e amor pola lectura». «Estou moi orgullosa do que conseguimos xuntos e emocionada polo que está por vir», escribiu.

O poder da imaxinación é o lema do proxecto de animación que puxo en marcha hai dous anos para chegar ao maior número posible de persoas.

---

---

---