1 Cal foi a causa de que te dedicases á ilustración?
Como notaron desde o principio que era un neno raro xa me foron animando na casa e na escola.
2 Un comentario sobre o teu traballo que che gustase?
Cando me din que recoñecen o meu estilo nunha ilustración que non fixen eu.
3 Un recordo da túa nenez?
Cando atopei unha caveira de cabalo e escondina debaixo da cama durante unha semana.
4 Tes algunha manía na túa rutina de traballo?
Non teño manías e tampouco teño rutina de traballo.
5 Un lugar de Galicia no que perderse?
Vigo, un domingo pola mañá.
6 É a ilustración unha arte de museo?
Eu penso que non. Para min, a ilustración é unha forma de arte viva e os museos son actualmente cemiterios de Arte.
7 Cal é para ti o mellor ilustrador de todos os tempos?
Urbano Lugrís.
8 Un ilustrador inxustamente esquecido?
Isaac Díaz Valiño.
9 De qué traballo te sentes máis orgulloso?
Dos carteis do Festival de títeres de Redondela.
10 Cal foi ese libro polo cal te decidiches a ser ilustrador?
As ladillas do travesti, de Antón Reixa, con ilustracións de Antón Patiño e Menchu Lamas.