Estarán no auditorio da Illa para responder ás preguntas dos máis pequenos
12 nov 2019 . Actualizado a las 19:20 h.A peña celtista de A Illa de Arousa Carcamáns, a que máis integrantes e aboados do Celta ten, celebra esta semana o seu 21º aniversario. Para festexalo, este xoves organizan un encontro dos peñistas máis cativos con tres xogadores do primeiro equipo: Santi Mina, Néstor Araujo e Sergio Álvarez. Este último xa os acompañara por estas datas o ano pasado coincidindo coa celebración dos 20 anos.
«Este xoves 14 ás 17:30h, comezando cos actos do XXI aniversario, temos o pracer de recibir a Sergio, Santi Mina e Néstor Araujo no auditorio da Illa», comentou a peña a través das súas redes sociais. Engadían que o acto consistirá nunha charla coloquio na que os nenos poderán «preguntarlle o que desexen aos xogadores».
Esta actividade será só o principio, xa que para este sábado, aproveitando o parón de liga, teñen programada a cea-baile do 20 aniversario. Contarán con representantes da Fundación Celta de Vigo, da Federación de Peñas do Celta e do propio clube.
