O autor é un estudante do Colexio Novo de Monforte. Participaron rapaces de catro centros educativos da comarca de Lemos
19 mar 2018 . Actualizado a las 13:23 h.Xa hai gañadores da cuarta edición do certame de debuxo infantil 'O Cultivo da Vide da Ribeira Sacra', organizado polo Concello de Sober dentros das actividades do Mes do Amandi. Entre os 150 traballos presentados, o gañador é o que presentou Alejandro Pérez López, do Colexio Novo de Monforte.
No concurso participaron rapaces de catro colexios da comarca de Lemos, o de Sober, o de Ferreira de Pantón, o Torre de Lemos e o Colexio Novo, estes dous de Monforte. O xurado decidiu conceder outros tres premios complementarios para os mellore sdebuxos de cada un dos colexios participantes. Os ganadores destes premios foron Clay Anxo Randale Parquer, do colexio Monte Baliño, de Pantón; José Ángel Novoa López, do colexio Virxe do Carme, de Sober; e Sofía Mendes González, do colexio Torre de Lemos, de Monforte.
O alcalde de Sober, Luis Fernández Guitián, fará entrega dos premios nun acto que se celebrará mañá ás doce do mediodía. O gañador recibirá un diploma e 150 euros canxeables en material escolar e cada un dos outros tres diplomas e 50 euros canxeables.