Regístrate gratis y recibe en tu correo las principales noticias del día

David Vilares, Míster Lugo 2020, convidado especial ao teatro en Lugo

PAULA ÁLVAREZ / M. G LUGO / LA VOZ

LUGO

O programa ofrece espectáculos por todos os teatros de Galicia.
Cedida

O actor lugués formará parte do espectáculo que ofrece o programa Malo Será! nesta cidade

17 jul 2022 . Actualizado a las 05:00 h.

O Auditorio Gustavo Freire de Lugo acolle hoxe, as 21.00, un espectáculo de teatro da man do programa da TVG Malo Será!. Unha fusión de teatro e televisión que, nesta ocasión, trae como convidado a David Vilares.

O actor lugués, natural de Becerreá, foi Míster Lugo no ano 2020. Formouse en Socioloxía e, aínda que segue estudando, confesa que «a miña paixón é o mundo audiovisual».

Vilares participou xa nas varias series de televisión «Tres Camiños» e «A Lei de Santos». Pero hoxe promete namorar aos paisanos dando vida a diferentes personaxes xunto ao elenco habitual do programa.

E, aínda que ten «pouca experiencia en teatro», non esconde a súa emoción por participar neste acto que, curiosamente, «ten lugar na miña cidade o día do meu aniversario».

O espectáculo, que xira por toda Galicia, conta tamén hoxe coa presenza da presentadora Noelia Rey.