XOSÉ CARLOS CANEIRO | O |
01 dic 2004 . Actualizado a las 06:00 h.EN BREVE publicará La Voz Paso a dos , de Pernas. Pernas é home melancólico, culto e astuto, que toma Rioja na esquina dos bares. Con el comparto a fe da ilusión (como as novelas que van de fracaso en fracaso ata o fracaso final) e a mentira de escribir nesta España pseudoliteraria, emputecida e salsarrosa. A Pernas podemos intuílo polas columnas do sábado. Falan de vento, do pulpo sanfroilán, das xeografías da nostalxia ou, se cabe, do Cantábrico enroscado na cintura de Madrid, oh Madrid. Vive de avión en avión, de ambigú en ambigú, medio corteinglés e medio señorito de Viveiro. As súas novelas son o epítome de si mesmo. Un apresurado resumo da gran novela que é, en teoría e práctica, Ramón Pernas: un argumento pleno de palabras lindas, de rêveries . A Pernas eu débolle moitos abrazos. Débolle Paso a dos , pero sobre todo débolle Brumario . Débolle un aquí me tienes, un no te hundas nunca, chaval. Talvez baixe algún día dos avións e decida escribirse a tempo completo. Pero para qué. Escribir é perder: o tempo, a vida. En Navidad, Viveiro y yo te estaremos esperando. No nos veremos, seguro, pero una estrellita golfa gritará que sigue existiendo una esquina para ti... A dos pasos de mi corazón, amigo.