Oíron a noticia de que unha dana achegábase e correron como outras veces para poñer a salvo o seu coche. Pensaron que era unha fana como todas, na costa mediterránea son frecuentes. Pero aquela era unha fana distinta, peor, moito máis forte, e ademais fallaron as alarmas, os avisos chegaron tarde ou non chegaron e o garaxe converteuse nunha trampa mortal, nunha tumba.
Un pregúntase: por que se arriscaron? En todo caso, poñer a salvo o coche supoñía un risco, eles sabían o que era a forza da auga porque viviran outras choivas torrenciais e, con todo, decidiron afrontalo. Por que? Que importancia tiña nas súas vidas o coche? Que significaba ? Creo que moitos mozos sentíanse libres con él. O coche proporcionáballes independencia: nel saían pola noite, con el ían buscar á noiva e nel, aparcándoo no sitio adecuado, podían estar xuntos, protexidos de miradas alleas. No coche fixeron as súas primeiras viaxes, sós ou en parella, mesmo ao estranxeiro, cruzando fronteiras, descubrindo o mundo.
Para as persoas maiores supoñía a comodidade de non depender do transporte público, ademais ser para moitos un instrumento de traballo. Á independencia que proporcionaba hai que sumar a defensa do patrimonio. Un coche é caro, para moita xente supoñería un gran esforzo conseguilo, e era seu. Quixeron protexer a súa propiedade. Estaban no seu dereito. Morreron defendéndoo. Oxalá que esa forza creadora do universo, ese poder que deu vida a todos os seres, os acollera no seu seo. Meréceno por defender o que amaban. Oxalá descansen alí , xuntos e felices. Oxalá.