O acceso ás instalacións custará dous euros por persoa e haberá descontos especiais para grupos
25 jul 2021 . Actualizado a las 12:25 h.Despois de meses pechado a causa da situación sanitaria provocada polo covid-19, o Museo Etnográfico da Limia está, desde hoxe, novamente operativo. Coincidindo coa celebración do Día de Galicia, as súas portas volverán a estar abertas os sábados e domingos, en horario de 11.30 a 13.30, e de 17.30 a 19.30 horas. A entrada ó museo ten un prezo simbólico de dous euros por persoa.
As orixes do museo
O Museo Etnográfico da Limia inaugurouse no ano 1992 na Escola Unitaria de Vilar de Santos, cunha colección de pezas etnográficas recollidas na comarca por un grupo de profesores e alumnos do Instituto de Xinzo de Limia. Tempo despois, o Concello de Vilar de Santos consegue a cesión da Reitoral da parroquia para a súa rehabilitación, decidíndose dedicar este espazo á preservación da Memoria dos Limiaos.
A restauración da Reitoral, edificio que data do século XVIII e que, no seu momento, pertenceu á Orde de Santiago como hospital de peregrinos, respectou e aproveitou todos os elementos construtivos, a madeira, a pedra, a lareira, o patio, cos que contaba a casa nos seus orixes