Francisco Fariña Busto e Luis Orero Grandal presentaron unha publicación sobre o xacemento de Celanova
03 feb 2025 . Actualizado a las 05:00 h.Na Deputación de Ourense presentouse a publicación «Castromao», unha obra da que son autores Francisco Fariña Busto e Luis Orero Grandal e que foi editada polo organismo provincial e o Grupo Marcelo Macías. A guía pretende ser unha invitación a achegarse ata o xacemento de Castromao (Celanova) e aproveitar para gozar da paisaxe e coñecer algún dos elementos que configuran a mesma e a historia de Galicia. Con esta premisa como base, a publicación ofrece unha dobre posibilidade: pode ser lida dende casa —o que se fai grazas á precisa incorporación dun amplo repertorio gráfico que facilita a súa comprensión— ou empregarse como referencia para percorrer o xacemento arqueolóxico, seguindo o itinerario sinalizado existente. Co apoio do aparato gráfico o visitante poderá valorar mellor o que ve.
Luis Orero é arqueólogo e dirixiu campañas en varios xacementos. No de Castromao exerceu de director das mesmas entre 1992 e 2008. Fariña, que estivo á fronte do Arqueolóxico, fíxoo do ano 1975 ao 1984.