Jaione Camborda e Yolanda Castaño, entre as escollidas para contar cunha árbore centenaria en Riós
17 may 2024 . Actualizado a las 05:00 h.Día 19 • 11.30 horas • San Pedro de Pousada • Riós • Organizado pola Asociación Cultural da Castaña celebrarase este domingo a déximo sétima edición do festival Latexos do Rural, a iniciativa promovida polo actor, director e produtor Rubén Riós. A cita será na aldea de San Pedro de Pousada e entre as actividades previstas para a xornada figura a incorporación de novas persoas ao coñecido Roteiro do talento. O mesmo foi creado como un espazo para recoñecer a persoas e institucións e no mesmo xa contan co seu castiñeiro centenario desde Roberto Verino ao Pai Ángel (da oenegé Mensajeros de la Paz).
Este domingo serán oito as mulleres que pasarán a contar con presenza no roteiro. A organización de Latexos do Rural sinalizará árbores centenarias cos nomes de Jaione Camborda, Paula Carballeira, Yolanda Castaño, Begoña Vázquez, Carla Rivas, Silvia Cernadas e o dúo Fillas de Cassandra (María Soa e Sara Faro).
Como mestres de ceremonia do festival estarán os Mozos de Arousa, que serán os encargados de presentar ás homenaxeadas neste encontro que reivindica o rural.